ارنا کے مطابق ترجمان دفترخارجہ اسماعیل بقائی نے یہ بات جمعرات کو ایک جرمن رکن پارلیمنٹ کو صرف اس بات پر نکال دیئے جانے پر اپنے ردعمل میں کہی ہے کہ وہ ایسی ٹی شرٹ پہن کر آگئے تھے جس پر فلسطین لکھا ہوا تھا۔
اسماعیل بقائی نے اس واقعے پر اپنے سماجی رابطے کے ایکس پیج پر لکھا ہے کہ یہ حقیقت کہ جرمن پارلیمنٹ کے ایک رکن کے لباس پرلفظ " فلسطین" کا لکھا ہونا بھی ناقابل تحمل ہے، ان لوگوں کی منافقت برملا کررہی ہے جو زبان سے خود مختار فلسطینی ریاست کی تشکیل کی حمایت کرتے ہیں۔
اسلامی جمہوریہ ایران کے دفتر خارجہ کے ترجمان نے اپنی اس پوسٹ میں مزید لکھا ہے کہ نسل کشی پر مبنی اسرائیل کے جرائم معمول بن گئے ہیں جو آج کی دنیا کا سیاہ ترین المیہ ہے۔
انھوں نے لکھا ہے کہ صیہونی حکومت کی حمایت اور اس کے جرائم کا جواز پیش کرنے والے، ان جرائم میں برابر کے شریک ہیں۔
آپ کا تبصرہ