ذرائع ابلاغ کے مطابق، گزشتہ روز شام کی مختلف فوجی تنصیبات پر صیہونیوں کی فضائی بمباری کے بعد صیہونی فوجی دسیوں بکتربند گاڑیوں میں صوبہ درعا کے شہر "نوی" میں داخل ہونے کے علاوہ الجبلیہ ڈیم کے اطراف واقع جنگلوں تک آگے بڑھ گئے۔
جولانی حکومت نے صیہونیوں کے ان اقدامات پر مکمل خاموشی اختیار کر رکھی ہے جس کے بعد علاقے کے عوام نے صیہونی فوجیوں کے مقابلے کے لیے تدبیریں اپنانا شروع کردی ہیں۔
ادھر شامی عوام کے تحرک کو دیکھتے ہوئے صیہونی فوجیوں نے جموع اور جابیہ پہاڑیوں پر گولہ باری کی ہے۔
مقامی ذرائع کے مطابق، کم از کم 400 صیہونی فوجی صوبہ درعا میں داخل ہوگئے ہیں۔
صیہونیوں کی مسلسل جارحیت اور شام کے حاکم ٹولے کی خاموشی سے پریشان عوام، مختلف سطح پر احتجاج کر رہے ہیں۔
دریں اثنا شام کے درعا صوبے کی مسجدوں سے صیہونی فوجیوں کے مقابلے کے لیے عوامی تحریک شروع کرنے کی اپیل کی جا رہی ہے۔
آپ کا تبصرہ