ارنا کے مطابق اقوام متحدہ میں اسلامی جمہوریہ ایران کے نمائندہ دفتر نے اپنے پیغام ميں کہا ہے کہ نوروز نئی زندگی اور امید کی نوید دیتا ہے۔ ہماری آرزو ہے کہ نئے (ہجری شمسی) سال میں زور زبرستی اور دھمکی کہ جگہ دانشمندی اور خرد لے گی، منصفانہ صلح سے جنگیں ختم ہوں گی اور فلسطین غاصب حکومت کے چنگل سے آزآد ہوگا۔
اقوام متحدہ ميں اسلامی جمہوریہ ایران کے نمائندہ دفتر نے مزید کہا ہے کہ امید ہے کہ اس سال میں، انسانی کرامت، جو بشریت کے لئے ایک عطیہ الہی ہے، نسل، دین اور جغرافیے سے بالاتر ہوکر، مساویانہ طور پر محترم شمار کی جائے گی۔
اقوام متحدہ ميں اسلامی جمہوریہ ایران کے نمائندہ دفتر نے نوروز کی مناسبت سے یہ پیغام ایسی حالت میں جاری کیا ہے کہ غاصب صیہونی حکومت نے امریکا کی مکمل ہم آہنگی سے، جنگ بندی کی خلاف ورزی کرتے ہوئے، غزہ پر دوبارہ وحشیانہ حملے شروع کردیئے ہیں جن میں لوگوں کے گھروں اور فلسطینی مہاجرین کے خیموں نیز ان کی رہائشی کے دیگر مراکز پر وحشیانہ بمباری کی جارہی ہے اور ان حملوں میں اب تک ایک ہزار سے زائد فلسطینی شہری شہید اور زخمی ہوچکے ہیں۔
وائٹ ہاؤس نے اعلان کیا ہے کہ اسرائيلی حکومت نے غزہ پر دوبارہ حملوں کا سلسلہ شروع کرنے سے پہلے ٹرمپ حکومت سے مشاورت کی ہے۔
آپ کا تبصرہ