صدر ڈاکٹر مسعود پزشکیان نے کہا کہ اقوام متحدہ کی جنرل اسمبلی کا اجلاس بہترین موقع ہے جہاں ہم اس نقطہ نگاہ کو مسترد کرتے ہوئے جو غلط طور پر ہمارے بارے میں قائم کیا گیا ہے، کہیں گے کہ اگر تم انسان ہو اور تمھارے پاس ضمیر ہے تو سبھی انسانوں کو ٹھیک سے دیکھو۔
ارنا کے مطابق ڈاکٹر مسعود پزشکیان اقوام متحدہ کی جنرل اسمبلی کے اجلاس میں شرکت کے لئے نیویارک پہنچ گئے ہیں۔
انھوں نے نیویارک پہنچنے کے بعد ایک گفتگو میں غزہ اور غرب اردن میں غاصب صیہونی حکومت کے وحشیانہ جرائم میں شدت کا ذکر کرتے ہوئے کہا کہ روئے زمین پر سبھی زندہ مخلوقات کو زندگی کا حق حاصل ہے۔
انھوں نے کہا کہ غزہ میں مظلوم فلسطینی عوام پر مظالم ڈھائے جارہے ہیں اور ان کی نسل کشی کی جارہی ہے لیکن وہ ممالک جو انسانی حقوق کے دعویدار ہیں، وہ انسانی اقدار، انسانی جان اور انسانی حقوق، سب کچھ نظرانداز کررہے ہیں اور صیہونی حکومت کے جرائم نہیں دیکھ رہے ہیں۔
صدر مملکت نے کہا کہ یہ انسانیت اور انسانی حقوق کے دعویدار، غزہ کی صورتحال اور وہاں جو کچھ ہورہا ہے، اس پر آواز کیوں نہيں اٹھاتے؟
صدرایران ڈاکٹر پزشکیان نے کہا کہ یہی نہیں بلکہ بعض اوقات انتہائی بے شرمی کے ساتھ صیہونی حکومت کے جرائم کا دفاع بھی کرتے ہیں اور اسی کے ساتھ انسانیت اور انسانی حقوق کی بات بھی کرتے ہیں؛ یہ تضاد ناقابل قبول ہے۔ ان کے انسانیت اور انسانی حقوق کے دعوے جھوٹے ہیں۔
ڈاکٹر پزشکیان نے اقوام متحدہ کی جنرل اسمبلی کے اجلاس میں میں شرکت کے لئے اپنے دورہ نیویارک کے بارے میں کہا کہ ہم اس دورے میں، ان اقداروںظریات کے بارے میں بات کریں گے جن کا اقوام متحدہ دعویدار ہے اور اس سے کہیں گے کہ ان کے لئے کام کرے۔
انھوں نے کہا کہ میں اپنے اس دورے میں یہ کہنا چاہتا ہوں کہ اگر سچے ہو تو صرف سلوگن نہ دو بلکہ اس پر عمل کرکے بھی دکھاؤ۔
آپ کا تبصرہ