تہران یونیورسٹی کے طلبا و اساتذہ کی جانب سے امریکا اوریورپ میں طلبا اوراساتذہ کی تحریک کی حمایت

تہران – ارنا – تہران یونیورسٹی کے طلبا اور اساتذہ نے   امریکا اور یورپ میں فلسطین کی حمایت میں یونیورسٹی طلبا اور اساتذہ کی تحریک کی حمایت کا اعلان کیا ہے ۔  

ارنا کے مطابق آج سنیچر 27 اپریل کو تہران یونیورسٹی کے طلبا اور اساتذہ نے  نماز ظہرین کے بعد ایک اجتماع میں امریکا اور یورپ میں یونیورسٹی طلبا اور اساتذہ کی تحریک کی حمایت کا اعلان کیا۔

اس رپورٹ کے مطابق تہران یونیورسٹی کے طلبا اور اساتذہ نے اپنے اجتماع میں، امریکا میں طلبا کے خلاف پولیس کے تشدد کی مذمت کی ہے ۔

غاصب صیہونی حکومت کے ہاتھوں غزہ کے عوام کے قتل عام اور امریکی و یورپی حکومتوں کی جانب سے بچوں کی قاتل اس حکومت کی حمایت کے خلاف امریکا اور یورپ کی یونیورسٹیوں کے طلبا اور اساتذہ کی تحریک کی   حمایت میں تہران یونیورسٹی کے طلبا، اساتذہ اور کارکنوں نے اپنے  احتجاجی اجتماع میں امریکا مردہ باد، اسرائیل مردہ باد اور برطانیہ مردہ باد کے نعرے لگائے اور امریکا میں طلبا اور اساتذہ کے خلاف پولیس کے اقدام کی  مذمت کی۔

آپ کا تبصرہ

You are replying to: .