CICA ایشیا میں تعاون اور سلامتی کیلئے ایک اہم میکانزم ہے: صدر رئیسی

یہ بات علامہ سید ابراہیم رئیسی نے جمعرات کے روز قازقستان کی واپسی کے بعد مہرآباد ائیرپورٹ میں خطاب کرتے ہوئے کہی۔
انہوں نے مزید کہا کہ ایشیائی خطے میں بیرونی طاقتوں کی مداخلت سے اس خطے کے مسائل میں اضافہ ہوتا ہے اور یہ نکتہ CICA کانفرنس کی توجہ کا مرکز تھا۔
صدر رئیسی نے کہا کہ باہمی دوروں اور علاقائی کانفرنسوں میں مشترکہ شرکت کی بدولت قازقستان کے ساتھ دوطرفہ تعلقات کو مضبوط اور وسعت دی جا رہی ہے۔
صدر رئیسی جمعرات کی شام، قازقستان کے دارالحکومت آستانہ سے ایشیا میں تعامل اور اعتماد سازی کے اقدامات سے متعلق کانفرنس کے رکن ممالک کے چھٹے سربراہی اجلاس میں شرکت کے بعد تہران پہنچے۔
ہمیں اس ٹوئٹر لینک پر فالو کیجئے @IRNA_Urdu