یہ بات حسین امیر عبداللہیان نے آج بروز جمعرات بیروت پہنچنے پر صحافیوں کے ساتھ گفتگو کرتے ہوئے کہی۔
انہوں نے مزید کہا کہ ہم لبنان کے ساتھ اقتصادی تعلقات بڑھانے کے خواہاں ہیں اور اس ملک میں ایک ہزار میگاواٹ کا پاور پلانٹ بنانے کے لیے تیار ہیں۔
انہوں نے مزید بتایا کہ آج لبنانی حکام کے ساتھ دو طرفہ، علاقائی اور بین الاقوامی مسائل پر مفید اور تعمیری مشاورت کریں گے۔
ایرانی وزیر خارجہ نے میرے آخری دورہ لبنان کے بعد سے اب تک علاقائی اور بین الاقوامی میدان میں بہت سی تبدیلیاں رونما ہوئی ہیں اور اسلامی جمہوریہ ایران اور لبنان میں موجود کوششوں کے باوجود لبنانی حکام کے ساتھ مزید تفصیلی مشاورت ضروری ہے۔
امیر عبداللہیان نے میونخ سیکورٹی کانفرنس کے موقع پر لبنان کے وزیر اعظم 'نجیب میقانی' کے ساتھ اپنی ملاقات کا حوالہ دیتے ہوئے کہا کہ اس ملاقات کے دوران میں نے اسلامی جمہوریہ ایران کی جانب سے لبنان میں ایک ہزار میگاواٹ کے دو پاور اسٹیشنز قائم کرنے اور تجارتی تعاون کی جامع ترقی کے لیے آمادگی کا اظہار کیا۔
ہمیں اس ٹوئٹر لینک پر فالو کیجئے. IrnaUrdu@
https://twitter.com/IRNAURDU1
آپ کا تبصرہ