تہران جوہری سائنس کے پرامن استعمال کیلئے آئی اے ای اے سے مستقبل میں تعاون کی توسیع کا خیرمقدم کرتا ہے

رپورٹ کے مطابق، "محمد مخبر" نے آج بروز ہفتے کو ایران کے دورہ پر آئے ہوئے "رافائل گروسی" سے ایک ملاقات میں اسلامی جمہوریہ ایران کے ایٹمی پروگرام سمیت ایٹمی توانائی کے حوالے سے ممالک کی سرگرمیوں کے میدان میں بین الاقوامی ایٹمی توانائی ایجنسی کے غیر جانبدارانہ رویہ کی ضرورت پر زور دیتے ہوئے مزید کہا کہ بین الاقوامی برادری توقع کرتی ہے کہ آئی اے ای اے اس کی پیروی کرے گی۔

سنئیرنائب ایرانی صدر ایٹمی پروگرام کی پُرامن ترقی کے لئے بین الاقوامی ایٹمی توانائی ایجنسی کے ساتھ اسلامی جمہوریہ ایران کے تعاون کو وسعت دینے کی ضرورت پر بھی زور دیتے ہوئے کہا کہ بین الاقوامی ایٹمی توانائی ایجنسی کے قیام کی اصل بنیاد، جوہری توانائی کی ترقی میں مدد فراہم کرنا ہے اور تہران، پرامن جوہری سائنس کو فروغ دینے کے لیے جوہری سائنس کے پرامن استعمال کے لیے بین الاقوامی جوہری توانائی ایجنسی کے ساتھ مستقبل میں تعاون کی توسیع کا خیرمقدم کرتا ہے۔

انہوں نے اس بات کی طرف اشارہ کرتے ہوئے کہ ایران کی تاریخ بتاتی ہے کہ اس سرزمین کے لوگوں نے پوری تاریخ میں سائنس اور علم کو فروغ دینے اور انسانیت کی مدد کرنے کی کوشش کی ہے، کہا کہ اس سلسلے میں ایران توانائی، صنعتی، صحت، طبی اور بنیادی ضروریات کو پورا کرنے کے لیے کوشاں ہے؛ یہ پرامن ایٹمی ٹیکنالوجی کی تلاش میں ہے اور ہمیں اس شعبے میں خود کفیل ہونا ہوگا۔

نائب  ایرانی صدر نے ایٹمی ہتھیاروں سمیت بڑے پیمانے پر تباہی پھیلانے والے ہتھیاروں کی تیاری اور استعمال پر پابندی کے سپریم لیڈر کے فتوی کا حوالہ دیتے ہوئے فرمایا کہ اسلامی جمہوریہ ایران نے کبھی بھی ایٹمی ہتھیار بنانے کی کوشش نہیں کی ہے اور حالیہ برسوں میں بین الاقوامی ایٹمی توانائی ایجنسی، ایران کے غیر پرامن ایٹمی پروگرام کا کوئی نشان نہیں ہے۔

*** جوہری پروگرام کی پُرامن ترقی اور ایران میں اس سائنس کے فروغ کی تجاویز پر عملی جامہ پہننا ہوگا

در این اثنا بین الاقوامی ایٹمی توانائی ایجنسی کے ڈائریکٹر جنرل رافائل گروسی نے بھی تہران کے دورے اور اسلامی جمہوریہ ایران اور بین الاقوامی ایٹمی توانائی ایجنسی کے درمیان معاہدوں اور تعمیری مذاکرات کو حتمی شکل دینے پر اطمینان کا اظہار کرتے ہوئے کہا کہ  جوہری پروگرام کی پُرامن ترقی اور ایران میں اس سائنس کے فروغ کی تجاویز پر عملی جامہ پہننا ہوگا۔

انہوں نے اس بات پر زور دیا کہ اسلامی جمہوریہ ایران سمیت دنیا کے تمام ممالک کو جوہری سائنس کو صحت، صنعتی اور توانائی کے مقاصد کے لیے استعمال کرنے کا حق حاصل ہے۔ اسلامی جمہوریہ ایران اور ایٹمی توانائی کی عالمی ایجنسی کے درمیان اور تعاون ایران اور دنیا کے عوام کے مفاد میں ہے۔

گروسی نے کہا کہ ایران کے سائنسی اور مذہبی پس منظر نے یہ ظاہر کیا ہے کہ ایرانی عوام نے ہمیشہ عالمی امن اور ترقی کے لیے کردار ادا کیا ہے۔

**9467
ہمیں اس ٹوئٹر لینک پر فالو کیجئے. IrnaUrdu@