ارنا کے مطابق ایران کی مسلح افواج کے سربراہ جنرل محمد باقری نے مشترکہ ایئر ڈیفنس کمانڈ ہیڈکوارٹرکی نشست میں بتایا کہ اس نشست کا مقصد، فوج اور سپاہ کی ایرواسپیس فورس کے مشترکہ حضرت خاتم الانبیا ایئرڈیفنس ہیڈکوارٹر کی آمادگی اور پیشرفت کا جائزہ لینا ہے ۔
انھوں نے کہا کہ آج ہم فضائی دفاع کے میدان میں تیاری اور توانائی میں نمایاں پیشرفت کا مشاہدہ کررہےہیں۔
جنرل محمد باقری نے کہا کہ رڈار اور نگرانی سسٹم اور اغیار کی نقل و حرکت کا پتہ لگانے کے حوالے سے ہم نے پانچ گنا ترقی کی ہے جبکہ جارح طیاروں کا پتہ لگانے، پیچھا کرنے اور انہیں تباہ کرنے کی نوانائیوں میں دو سے پانچ گناہ پیشرفت کی ہے۔
اسلامی جمہوریہ ایران کی مسلح افواج کے سربراہ جنرل محمد باقری نے بتایا کہ ہمارا کمانڈ اینڈ کنٹرول سسٹم کامیابی کے ساتھ اپنا کام کررہا ہے، ملک کی فضائی حدود کی مکمل طور پر نگرانی کی جارہی ہے اور مسلح افواج پوری طرح چوکسی کی حالت میں ہیں۔
آپ کا تبصرہ