ارنا کے مطابق، پاکستانی فوج کے پبلک ریلیشن آفس نے خبر دی ہے کہ 450 کلومیٹر تک زمین سے زمین پر مار کرنے والے ابدالی میزائل کا تجربہ INDUS فوجی مشق کے دوران کیا گیا۔
پاکستانی فوج کے بیان میں آیا ہے کہ آج کا تجربہ فورسز کی آپریشنل تیاری کو یقینی بنانے اور تکنیکی پیرامیٹرز کی توثیق کے لیے کیا گیا، جس میں میزائل کے جدید نیوی گیشن سسٹم اور اس کی بہتر maneuverability صلاحیت کو جانچنا شامل ہے۔
ساتھ ہی، پاکستان کے صدر اور وزیر اعظم نے بھی ملک کی سٹریٹجک فورسز کی آپریشنل تیاری اور تکنیکی مہارت پر اعتماد کا اظہار کیا تاکہ کم سے کم قابل اعتماد ڈیٹرنس کو یقینی بنایا جا سکے اور کسی بھی غیر ملکی جارحیت کے خلاف قومی سلامتی کی حفاظت کی جا سکے۔
پاکستان کی میزائل ٹیسٹنگ ایسے وقت میں کی گئی ہے جب ہندوستان کے زیرانتظام کشمیر میں حالیہ حملے کے بعد جنوبی ایشیا کے دو جوہری ہتھیاروں سے لیس پڑوسیوں کے درمیان کشیدگی بڑھ گئی ہے۔
اپنی عسکری اور دفاعی صلاحیتوں میں اضافے کے مقصد سے پاکستان کی کوشش ہے کہ میزائل اور فوجی صلاحیتوں کے معاملے میں اپنے روایتی پڑوسی اور حریف ہندوستان سے پیچھے نہ رہے۔
اسلام آباد، جو نئی دہلی کو اپنی سلامتی کے لیے ممکنہ اور مستقل خطرہ سمجھتا ہے، ہندوستان کے مقابلے میں اپنی فوجی طاقت کو مضبوط کر رہا ہے۔
پاکستان نے نیوکلیئر وار ہیڈ لے جانے کی صلاحیت رکھنے والے بیلسٹک میزائلوں کی تیاری کے میدان میں بے شمار کامیابیاں حاصل کی ہیں۔
آپ کا تبصرہ