یہ بات ایران ہوم اپلائنس مینوفیکچررز ایسوسی ایشن کے سیکرٹری جنرل امید فاضلی نیا نے ارنا کے اقتصادی امور کے نامہ نگار کو خصوصی انٹرویو دیتے ہوئے کہی۔
فاضلی نیا کے مطابق گزشتہ سال کے دوران (اپریل 2023 سے مارچ 2024) ملک میں مختلف اقسام کے 1 کروڑ 95 لاکھ ہوم اپلائنسس تیار کیے گئے جو اسے پہلے سال کے مقابلے میں 18.2 فی صد زیادہ ہے۔
فاضلی نیا نے ہوم اپلائنسس کی برآمدات کے اعدادوشمار کا حوالہ دیتے ہوئے ارنا کو بتایا کہ گزشتہ سال کے دوران 400 ملین ڈالر کے ہوم اپلائنسس دنیا کے مختلف ملکوں کو برآمد کیے گئے۔
انہوں نے کہا کہ اس سے نشاندہی ہوتی ہے کہ ایران کے تیار کردہ ہوم اپلائنسس اور ان کے اسپیئر پارٹس اپنے معیار اور کوالٹی کے لحاظ سے عالمی منڈیوں میں رقابت کے قابل ہیں۔
ایران ہوم اپلائنس مینوفیکچررز ایسوسی ایشن کے جنرل سیکرٹری نے کہا کہ اس سال کے لیے حکومت نے 2 کروڑ 25 لاکھ ہوم اپلائنسس کی تیاری کا ہدف مقرر کیا ہے۔
انہوں نے کہا کہ اگر ہم یہ ہدف حاصل کرنے میں کامیاب ہوجائیں تو ملک میں ہوم اپلائنسس کی پیداوار میں 15 فی صد کا اضافہ ہوگا۔
آپ کا تبصرہ