گریکو رومن کشتی کے 130 کلو وزن کے پہلے مقابلے میں ایران کے امین میرزا زادہ نے تھائیلینڈ کے نانتاوات پانفوک کو نو زیرو سے مغلوب کیا۔ دوسرے دور میں انھوں نے ترکمنستان کے آیبگشازادا کورایف کو نو زیرو سے شکست دی اور سیمی فائنل ميں پہنچ گئے۔
اس مرحلے میں انھوں نے قزاقستان کے علی خان سیزدا کوف کو تین ایک سے شکست دی اور فائنل میں ان کا مقابلہ چین کے لنگ ژی منگ سے ہوا۔
امین میرزا زادہ نے فائنل میں اپنے چینی حریف کو ہراکر گولڈمیڈل اپنے نام کرلیا۔
یہ گریکو رومن کشتی میں ایران کا دوسرا اور ہانگژو ایشین گیمز میں حصہ لینے والے ایرانی کھلاڑیوں کے کارواں کے لئے آٹھوان گولڈ میڈل تھا۔
جمعرات کو ہانگژو ایشین گیمز میں گریکو رومن کشتی میں میرزا زادہ سے پہلے جنہوں نے 130 کلووزن میں سونے کا تمغہ حاصل کیا، 97 کلووزن کے مقابلے میں محمد ہادی ساروی نے گولڈ میڈل حاصل کیا تھا۔
97 کلو وزن میں محمد ہادی ساروی نے پہلے مقابلے میں ازبکستان کے رستم آساکولوف کو چھے تین سے شکست دی ، دوسرے مرحلے میں قرقیزستان کے اوزور ژوژوبیکوف کو تین ایک سے ہراکر سیمی فائنل میں پہنچے اور سیمی فائنل میں قزاقستان کے اسلام اومایف کو آٹھ زیرو سے ہراکر فائنل میں پہنچ گئے ۔
محمد ہادی ساروی نے فائنل میں چین کے یی منگ لی کو پانچ ایک سے شکست دے کے طلائی تمغہ جیت لیا۔
آپ کا تبصرہ