روسی تجارتی وفد کے مذاکرات تہران میں شروع ہوں گے

یہ بات ایران کی وزارت صنعت، تجارت اور کان کنی کے ترجمان امید قالیباف نے کہی۔
انہوں نے کہا کہ 65 روسی کمپنیاں آج سے 100 افراد کے وفد کے ایک حصے کے طور پر تہران میں مذاکرات شروع کریں گی، جو تین دن تک جاری رہیں گی۔
قالیباف نے کہا کہ اس دوران دونوں ممالک کی کمپنیوں کے درمیان مجموعی طور پر 750 کاروباری ملاقاتیں ہوں گی۔
واضح رہے کہ روسی ایکسپورٹ سینٹر کے مطابق اس سال کے آخر تک 10 سے زائد بڑے روسی تجارتی وفود ایران کا دورہ کریں گے۔
انہوں نے کہا کہ اس وفد میں روسی کمپنیوں کی سرگرمیوں کے دائرہ کار میں خوراک اور زرعی صنعت (سیریلز)، کنفیکشنری اور چاکلیٹ کی صنعت، پانی کا انتظام، خوراک اور زرعی صنعت کے لیے آلات اور مشینری، ادویات اور طبی آلات، شیشہ اور کرسٹل، دھات کاری، ٹیلی کمیونیکیشن اور ریڈیو سسٹم، توانائی اور ری سائیکلنگ وغیرہ شامل ہیں۔
انہوں نے کہا کہ تہران کے چیمبرز آف کامرس اینڈ انڈسٹری اور ملک کے تمام شہروں اور ہائی ٹیک انٹرپرائزز کے اراکین روسی وفد سے ملاقات کریں گے۔
یاد رہے کہ روس کے صدر ولادیمیر پیوٹن نے جمعرات کے روز سمرقند میں ایس سی او سربراہی اجلاس کے موقع پر اپنے ایرانی ہم منصب ابراہیم رئیسی کے ساتھ ملاقات میں اس وفد کے دورہ تہران کا اعلان کیا تھا۔  
ہمیں اس ٹوئٹر لینک پر فالو کیجئے @IRNA_Urdu