یہ بات علامہ سید ابراہیم رئیسی نے جمعہ کے روز جاپانی وزیر اعظم فومیو کشیدا کے نام ایک پیغام میں کہی۔
ایرانی صدر نے کہا کہ سابق جاپانی وزیر اعظم شینزو آبے کا ایک غیر انسانی مسلح حملے میں قتل افسوسناک ہے۔
صدر مملکت نے مزید کہا کہ آبے جاپانی عوام کے لیے ایک عظیم سیاست دان اور ایک بین الاقوامی شخصیت تھے جنہوں نے اسلامی جمہوریہ ایران اور جاپان کے درمیان تاریخی تعلقات کو وسعت دینے میں اہم کردار ادا کیا۔
انہوں نے جاپانی وزیراعظم، ان کی کابینہ کے ارکان اور دوست جاپانی قوم کے ساتھ ہمدردی اور تعزیت کا اظہار بھی کیا۔
جاپانی ذرائع ابلاغ نے جمعہ کے روز اطلاع دی ہے کہ جاپان کے سابق وزیر اعظم شینزو آبے گولی لگنے کے بعد انتقال کر گئے۔
جاپانی میڈیا نے بتایا کہ آبے، جنہیں نارا میں پارلیمانی مہم کے دوران اپنی تقریر کے دوران گولی مار دی گئی تھی، زخموں کی تاب نہ لاتے ہوئے چل بسے۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ