ارنا کے مطابق گزشتہ 46 برسوں میں اسلامی جمہوریہ ایران میں بجلی کی پیداوار میں بے نظیر اضافہ ہوا ہے اور اس میدان میں ایران دنیا کے ملکوں میں دسویں نمبر پر پہنچ گیا ہے۔
اسلامی جمہوریہ ایران کی وزارت توانائی کے شعبہ اسٹریٹیجک پلاننگ کے ڈائریٹر جنرل، بہروز مرادی نے بتایا ہے کہ 1979 سے گزشتہ برس تک دنیا میں بجلی کی پیداوار میں ساڑھے چار گنا لیکن ایران میں 13 گنا اضافہ ہوا تھا اور اس وقت دنیا میں بجلی کی پیدوار میں 1979 سے اب تک کے اضافے کا تناسب تین اعشاریہ چار گنا اور ایران میں اس اضافے کا تناسب 22 گنا ہوگیا ہے۔ انھوں نے کہا کہ پانچ سالہ ترقیاتی پروگرام میں اقتصادی ترقی کا انحصار سبھی شعبوں میں بجلی کی پائیدار فراہمی پر ہے۔
ایران کی وزارت توانائی کے شعبہ اسٹریٹیجک پلاننگ کے ڈائریکٹر جنرل نے اسلامی انقلاب کی کامیابی سے اب تک بجلی کی صنعت میں آنے والی ترقیات کا ذکر کرتے ہوئے کہا کہ ملک میں بجلی کی پیداوار میں بے نظیراضافے اور بجلی گھروں کی توسیع کو اسلامی انقلاب کی اہم برکات میں شمار کرنا چاہئے۔
بہروز مرادی نے کہا کہ 20 جنوری 2025 تک ملک میں انواع و اقسام کے رینیو ایبل بجلی گھروں( سولر پاور پلانٹس، ہوا سے چلنے والے پاور پلانٹس، بایوماس پاور پلانٹس اور تھرمل پاور پلانٹس) کی گنجائش 1544 میگاواٹ سے زيادہ ہوگئی ہے۔
آپ کا تبصرہ