پڑوسیوں کیساتھ کشیدگی نہیں چاہتے ہیں: طالبان

یہ بات بلال کریمی نے منگل کے روز افغانستان کے طلوع نیوز کے ساتھ گفتگو کرتے ہوئے کہی۔
انہوں نے حالیہ ایرانی اور افغان سرحدی محافظوں کے درمیان جھڑپ کا حوالہ دیتے ہوئے کہا کہ طالبان اپنے پڑوسیوں یا کسی دوسرے ملک کے ساتھ کشیدگی نہیں چاہتے ہیں۔
کریمی نے کہا کہ کابل اور تہران حالیہ تنازع کے بارے میں بات کر رہے ہیں۔
انہوں نے کہا کہ کشیدگی کے بجائے بات چیت ایک معقول طریقہ ہے۔
انہوں نے مزید کہا کہ طالبان کی عمومی رائے اور پالیسی یہ ہے کہ وہ کسی فریق بالخصوص پڑوسیوں کے ساتھ کشیدہ تعلقات نہیں چاہتے ہیں یہ چھوٹی سی جھڑپ جو ایران اور افغانستان کی سرحد کے ساتھ مقامی سطح پر ہوئی، دونوں اطراف کے حکام ایک دوسرے سے رابطے میں ہیں اور جو بھی ہوا اس کا حل تلاش کریں گے۔
ہمیں اس ٹوئٹر لینک پر فالو کیجئے @IRNA_Urdu