ارنا رپورٹ کے مطابق، "محمد محمدی بخش" نے آج بروز بدھ کو ہوابازی کی صنعت کے مسائل کا جائزہ لینے کے موضوع کے ساتھ ایئر لائن کمپنیوں کے مشترکہ اجلاس میں گفتگو کرتے ہوئے کہا کہ دنیا میں ایران کی صورتحال مختلف ہے؛ آج، ہوابازی کی صنعت ٹیکنالوجی کے کنارے پر ہے اور اس صنعت کی سائنسی ترقی کی رفتار بہت تیز ہے، اس لیے ہمیں اپنے آپ کو متوازن رکھنا ہوگا۔
نائب ایرانی وزیر برائے مواصلات اور شہری ترقی نے کہا کہ صنعت کی نگرانی کیلئے ٹیکنالوجی کے استعمال کی ضرورت ہے لیکن ہم پابندیوں کی وجہ سے دنیا کے سائنس اور تجربات سے محروم ہوگئے ہیں۔ ایرانی ہوابازی صنعت کیخلاف ظالمانہ پابندیوں کی جنگ اب تک جاری ہے اور ایران میں ٹیکنالوجی کی منتقلی نہیں ہوئی ہے۔
ایران ایوی ایشین تنظیم کے سربراہ نے کہا کہ اگرچہ آئی سی اے او کا کہنا ہے کہ ہوا بازی کے علم کو بلا تفریق پھیلانا ہوگا، لیکن امریکا نے ایران کو ہوا بازی کے جریدے بھیجنے سے بھی انکار کر دیا۔
محمدی بخش نے کہا کہ انہوں نے جوہری معاہدے کے بعد ہمیں ہوائی جہاز فروخت کی لیکن ایران کو متعلقہ پرزے اور جریدے نہیں دیے۔ان حالات میں ہمیں حفاظت کو برقرار رکھنا ہوگا اور صنعت کو رواں دواں رکھنا ہوگا اور لوگوں کی خدمت کرنی ہوگی۔
انہوں نے ایئر لائنز کو مخاطب کرتے ہوئے کہا کہ جو بھی اس پیغام کو سمجھتا ہے وہ خود کو اپ ڈیٹ کرے؛ یہ اکیلا نہیں کیا جا سکتا؛ صنعت کو ہمدرد اور مربوط ہونا ہوگا۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ