"ایران انرجی گلوب" ایوارڈ کی تقریب مئی مہینے میں منعقد ہوگی

 یہ بات عالمی توانائی کونسل کے علاقائی دفتر کے سربراہ میلاد رحیمی نے پیر کے روز صحافیوں کے ساتھ گفتگو کرتے ہوئے کہی۔
انرجی گلوب ایوارڈ 2000 سے ہر سال دیا جاتا ہے۔
 یہ ایوارڈ ان لوگوں اور تنظیموں کو دیا جاتا ہے جو ماحولیاتی طور پر پائیدار منصوبوں کو نافذ کرتے ہیں اور ماحولیات کے تحفظ کے موثر ذرائع کو عملی جامہ پہناتے ہیں۔
ہر سال، ایوارڈ کی آرگنائزنگ کمیٹی کو 187 ممالک سے درخواستیں موصول ہوتی ہیں، جو انرجی گلوب ایوارڈ کو ماحولیات کے شعبے میں سب سے باوقار ایوارڈ بناتی ہے۔
رحیمی نے کہا کہ ایران کے علاقائی دفتر نے ستمبر 2021 میں صوبے یزد میں اپنی سرگرمیاں شروع کیں۔
انہوں نے کہا کہ پائیدار ترقیاتی منصوبوں کو راغب کرنے کے لیے، اس سال 15 مئی کو تہران میں، عالمی توانائی کونسل کے بورڈ آف ڈائریکٹرز کے متعدد اراکین کی موجودگی میں، جیتنے والوں کے لیے یہ ایوارڈ تقریب منعقد کی جائے گی۔
انہوں نے مزید کہا کہ تقریب کے دوران، انرجی گلوب کے بانی وولف گینگ نیومن کی شرکت کے ساتھ، پانی اور توانائی کے شعبے میں تعاون کے لیے ایک بین الاقوامی کنسورشیم کے قیام کے لیے ایک معاہدے پر دستخط کیے جائیں گے تاکہ ملک کے مسائل اور بحرانوں کے حل کے لیے تکنیکی علم، نئی ٹیکنالوجیز کی منتقلی اور پائیدار حل فراہم کیے جا سکیں۔
ہمیں اس ٹوئٹر لینک پر فالو کیجئے. IrnaUrdu@