ایرانی وزیر داخلہ کی پاکستانی آرمی چیف سے ملاقات

ایرانی وزیر داخلہ احمد وحیدی نے پیر کو مقامی وقت کے مطابق اپنی پہلی سرکاری ملاقات میں شہر راولپنڈی میں پاکستانی آرمی کے کمانڈر جنرل "قمر جاوید باجوہ" سے ملاقات کی۔

اس ملاقات میں ایران کے سفیر "سید محمد علی حسینی"، ایرانی سرحدی پولیس کے کمانڈر جنرل احمد علی گودرزی اور پاکستان میں ایران کے ملٹری اتاشی کرنل "مصطفی قنبرپور"نے بھی شرکت کی۔

پاکستان کے بعض فوجی اور سیکورٹی حکام نے بھی اسلامی جمہوریہ ایران کے وفد سے ملاقات کی۔

اس ملاقات کے دوران فریقین نے ایران پاکستان کے تعلقات، خطے میں سیکورٹی تبدیلیاں، سرحدی تعاون اور افغانستان کی صورتحال سے متعلق تازہ ترین صورتحال پر تبادلہ خیال کیا۔

اپنی تعیناتی کے بعد اسلامی جمہوریہ ایران کے وزیر داخلہ احمد وحیدی کا یہ پہلا دورہ پاکستان ہے۔

وحیدی کچھ گھنٹے بعد پاکستانی وزیر داخلہ اور وزیر اعظم کے ساتھ ملاقات کریں گے۔

قابل ذکر ہے کہ ایرانی وزیر داخلہ آج بروز پیر اپنی پاکستانی ہم منصب کی دعوت پر اسلام آباد پہنچ گئے۔

ہمیں اس ٹوئٹر لینک پر فالو کیجئے. IrnaUrdu@  

https://twitter.com/IRNAURDU1