تحریک حماس نے ہفتہ کو ایک بیان جاری کیا جس میں صیہونی حکومت کی افریقی یونین میں رکنیت کی مخالفت کی اور مبصر رکن کی حیثیت سے اس رجیم کی رکنیت کی منظوری کو بھی افریقی یونین کے انسانی حقوق کے چارٹر اور اس کے اصولوں اور اقدار کی صریح خلاف ورزی قرار دیا۔ جس میں نسل پرستی کے خلاف جنگ اور استعمار کو ختم کرنے اور قوموں کے حق خود ارادیت کی ضرورت پر زور دیا گیا ہے۔
حماس نے افریقی آزاد ممالک کی فلسطینی عوام کے ساتھ یکجہتی اور افریقی یونین میں بیت المقدس کی قابض حکومت کی دوبارہ رکنیت کے روکنے پر زور دیا۔
اس تحریک نے کہا کہ افریقی یونین کے بنیادی اصول استعمار اور نسل پرستی کے خلاف جنگ پر زور دیتے ہیں جب کہ قابض حکومت ریاستی دہشت گردی میں ملوث ہے اور فلسطینی عوام اور اس کی سرزمین اور مقدسات کے خلاف ہر قسم کے وحشیانہ جرائم کا ارتکاب کرتی ہے۔
دوسری جانب تحریک فتح نے افریقی ممالک سے مطالبہ کیا ہے کہ وہ اس سربراہی اجلاس کو صیہونی حکومت کو نکال باہر کرنے اور اقوام کے درمیان یکجہتی کے اصولوں اور بنیادوں کو قائم کرنے کے ایک سربراہی اجلاس میں تبدیل کریں۔
ہمیں اس ٹوئٹر لینک پر فالو کیجئے. IrnaUrdu@
https://twitter.com/IRNAURDU1
آپ کا تبصرہ