یہ بات مجید تخت روانچی نے منگل کے روز اقوام متحدہ کی سلامتی کونسل میں مسلح تصادم میں شہریوں کے تحفظ سے متعلق منعقدہ کانفرنس سے خطاب کرتے ہوئے کہی۔
انہوں نے سکریٹری جنرل کی سالانہ رپورٹ کے کچھ حصوں کا حوالہ دیتے ہوئے کہا کہ بدقسمتی سےعام شہری ، خاص طور پر خواتین اور بچے ابھی بھی اس تنازعات کا سب سے اہم شکار ہیں اور اسپتالوں اور اسکولوں جیسے شہری اہداف پر حملہ کیا جارہا ہے۔
انہوں نے مقبوضہ فلسطینی علاقوں میں اسرائیلی مظالم بشمول فلسطینیوں کو خاص طور پر بیت المقدس کے شیخ جراح علاقے جہاں وہ کئی نسلوں سے مقیم ہیں، زبردستی اپنے گھروں سے بے دخل کرنے کی وسیع کوششیں کا حوالہ دیتے ہوئے کہا کہ جب فلسطینیوں نے رمضان کے مقدس مہینے میں مسجد اقصیٰ کے نمازیوں پر حملوں اور ایسے غیر قانونی اقدامات کے خلاف احتجاج کیا اسرائیلی سکیورٹی اور فوجیوں نے فلسطینیوں کے خلاف انتہائی گھناؤنے جرائم کا ارتکاب کیا۔
انہوں نے کہا کہ غزہ کے خلاف حالیہ ظالمانہ اور جنگ میں اسرائیلی فوج نے 248 فلسطینیوں کو ہلاک کیا ، جن میں 66 بچے ، 39 خواتین اور 17 عمر رسیدہ افراد شامل ہیں ، اور1946 افراد زخمی ہوئے۔
انہوں نے مزید کہا کہ اسرائیلی فورسز نے 30 صحت کی تنصیبات، تقریبا 50 اسکول اور دیگر تعلیمی مراکز ، پانی نیٹ ورک کا تقریبا 50 فیصد اور 33 میڈیا دفاتر کو تباہ کرکے 43 مساجد کو نقصان پہنچا۔
ایرانی مندوب نے کہا کہ یہ وحشیانہ کارروائی نسل کشی ، جنگی جرائم اور انسانیت کے خلاف جرائم ، اور انسانی اصولوں کی خلاف ورزیوں کی واضح مثال ہیں۔
تخت روانچی نے کہا کہ اس طرح کے جرائم ، جو بین الاقوامی قانون کے اصولوں اور بنیادی اصولوں کی بنیادی خلاف ورزی ہیں، اسرائیلی حکومت کی بین الاقوامی ذمہ داری کو جنم دیتے ہیں اور اس طرح کے گھناؤنے جرائم کا ارتکاب کرنے والے عہدیداروں کے خلاف قانونی چارہ جوئی کی جانی چاہئے۔
انہوں نے مزید کہا کہ اسرائیلی حکومت کے ایسے جرائم سے شرمناک امریکی حمایت کی وجہ سے سلامتی کونسل ایک بار پھر اپنے فرائض میں ناکام رہی۔
انہوں نے مزید بتایا کہ سلامتی کونسل غزہ میں عام شہریوں پر حملوں کے خاتمے کے لیے ایک اعتدال پسند پریس بیان بھی منظور کرنے میں ناکام رہی۔ اور فریقین کی جانب سے فائربندی کے اعلان بعد اس کونسل کا پریس بیان قابل قدر نہیں تھا۔
تخت روانچی نے کہا کہ حالیہ جنگ بیت المقدس خصوصا مسجد اقصی میں اسرائیلی حکومت کے غیر قانونی اور اشتعال انگیز اقدامات کی وجہ سے شروع ہوئی ہے لہذا ان تمام اقدامات کے روکنے پر حکومت کو مجبور کیا جانا چاہیے
انہوں نے جارحین کے ذریعہ یمن میں عام شہریوں کی ہلاکت اور شہری اہداف پر حملوں کا بھی حوالہ دیتے ہوئے کہا کہ اس طرح کے اقدامات جنایتکارانہ ہیں اور انہیں فوری طور پر روکا جانا چاہئے۔
ہمیں اس ٹوئٹر لینک پر فالو کیجئے. IrnaUrdu@
آپ کا تبصرہ