پاکستان ایران زبان فارسی کے ریسرچ سینٹر کے قیام کی 50 ویں سالگرہ کے موقع پر ایرانی تہذیب اور فارسی زبان و ادب سے محبت کرنے والوں کی موجودگی میں ایک شاندار محفل کا گزشتہ روز انعقاد کیا گیا۔
اسلامی جمہوریہ ایران اور پاکستان کا ادبی اور ثقافتی حلقہ جو دو طرفہ تعلقات کے قیام کے پچھترویں سال میں داخل ہو چکا ہے، فارسی زبان جس کو دوستی کے درخت کومضبوط بنانے میں اہم کردار ہے، کا ذکر کیے بغیر مکمل نہیں ہوتا ہے۔
پاکستان کے مسلمان لوگ فارسی زبان سے محبت رکھنے والوں کی حیثیت سے ہمیشہ مختلف حلقوں میں حافظ، سعدی، مولانا، اقبال لاہوری اور فارسی زبان و ادب کی دیگر عظیم شخصیتوں کے بارے میں بات کرتے ہیں اور یہ شخصیات ایران اور پاکستان کے عوام کو ایک دوسرے سے جوڑتے ہیں ۔اس مقصد کے لیے پاکستان میں ایرانی سفارت خانے کے ثقافتی قونصلر نے فارسی ایران ریسرچ سینٹر کے قیام کی 50 ویں سالگرہ منا کر دونوں ممالک کی ثقافت اور ورثے سے محبت کرنے والوں کی باتوں کو سننے کا موقع فراہم کیا۔
مادری زبانوں کے عالمی دن کی مناسبت سے اسلام آباد میں ایرانی سفارتخانے کے ثقافتی قونصلر نے اسلام آباد انسٹی ٹیوٹ برائے اسٹریٹجک اسٹڈیز (ISSI)کے تعاون سے ایران پاکستان تعلقات اور لسانی تعلقات کے فروغ کیلیے "درخت دوستی" کے عنوان سے ایک شاندار کانفرنس کا انعقاد کیا۔
پاکستان میں اسلامی جمہوریہ ایران کے سفیر سید محمد علی حسینی، اسلام آباد میں ایرانی ثقافتی قونصلر احسان خزاعی، انسٹی ٹیوٹ فار اسٹریٹجک اسٹڈیز کے ڈائریکٹر جنرل اعزار احمد چودھری، سیاسی، ثقافتی اور تعلیمی پروفیسرز نے اس تقریب میں شرکت کی۔
۔ ۔ ۔
آپ کا تبصرہ