ایرانی قائد انقلاب آیت اللہ سید علی خامنہ ای نے گزشتہ روز اپنے ایک پیغام میں یمن میں تعینات ایرانی سفیر 'حسن ایرلو' کی شہادت پر تعزیت کا اظہار کیا۔
رہبر معظم انقلاب اسلامی نے شہید حسن ایرلو کے اہلخانہ ، دوستوں اور ساتھیوں کو تعزیت اور تسلیت پیش کرتے ہوئے فرمایا کہ شہید حسن ایرلو نے سیاسی، سفارتی اور سماجی میدانوں میں بھر پور کوشش اور جد وجہد کے شاندار نقوش رقم کئے جو ان کی مجاہدانہ زندگی کا بہترین نمونہ ہیں۔ شہید کے دو بھائی بھی اس سے قبل درجہ شہادت پر فائز ہوچکے ہیں۔ اللہ تعالی اس صابر، بصیر اور فداکار خاندان پر رحمت نازل فرمائے۔
قابل ذکر ہے کہ شہید ایرلو یمن میں کورونا وائرس کا شکار ہوگئے اور بعض ممالک کے عدم تعاون کی وجہ سے انھیں ایران منتقل کرنے میں تاخیر ہوگئی جس کی وجہ سے شہید ایرلو کو طبی امداد بر وقت نہ مل سکی اور وہ تہران کے ایک اسپتال میں درجہ شہادت پر فائز ہوگئے۔
ہمیں اس ٹوئٹر لینک پر فالو کیجئے. IrnaUrdu@
https://twitter.com/IRNAURDU1
آپ کا تبصرہ