پاکستان مارچ 2022 میں او آئی سی کے وزرائے خارجہ کے اجلاس کی میزبانی کرے گا

اسلام آباد، ارنا - پاکستان اگلے سال مارچ میں اسلامی تعاون تنظیم (او آئی سی) کے وزرائے خارجہ کے اجلاس کی میزبانی کرے گا۔

پاکستانی وزارت خارجہ کے ترجمان عاصم افتخار نے اسلام آباد میں اپنی ہفتہ وار میڈیا بریفنگ میں کہا کہ پاکستان 22-23 مارچ 2022 کو او آئی سی کے وزرائے خارجہ کے اجلاس کی میزبانی کرنے جا رہا ہے۔
اسلامی تعاون کی تنظیم اقوام متحدہ کے بعد دوسری بڑی بین الاقوامی تنظیم ہے جس کے 57 ارکان چار براعظموں کے اسلامی ممالک سے ہیں۔
اسے 1969 میں عالم اسلام کی اجتماعی آواز اور ان کے مفادات کے تحفظ اور دفاع کی ضمانت کے طور پر قائم کیا گیا تھا۔
او آئی سی کے وزرائے خارجہ کا اجلاس ہر سال منعقد ہوتا ہے۔
اسلامی ممالک کے وزرائے خارجہ کی کونسل کا 47ویں اجلاس گزشتہ نومبر 2020 میں جمہوریہ نائجر کے شہر نیامی میں منعقد ہوا۔
اسلام آباد نے مئی 2007 میں 34 ویں اجلاس کی میزبانی کی تھی۔ اس سے قبل اسلامی ممالک کے وزرائے خارجہ کا 30 ویں سربراہی اجلاس مئی 2003 میں تہران میں اسلامی جمہوریہ ایران کی میزبانی میں ہوا تھا۔
ایرانی وزارت خارجہ کے ترجمان سعید خطیب زادہ نے کل کہا کہ (او آئی سی) اسلامی اتحاد، اسلامی مقدسات کے تحفظ اور اسلامی اصولوں پر عمل کرنے میں مدد کرنے کی بڑی صلاحیتوں کا حامل ہے۔
یہ بات خطیب زادہ نے اسلامی جمہوریہ ایران اور او آئی سی کے درمیان تعاون کی تازہ ترین صورتحال کے بارے میں گفتگو کرتے ہوئے کہی۔
خطیب زادہ نے امید ظاہر کی کہ او آئی سی کے نئے سیکرٹری جنرل کے دور میں بین الاقوامی میدان میں امت اسلامیہ اور رکن ممالک کے مشترکہ مفادات کی خدمت کے لیے مزید کوششیں دیکھنے کو ملیں گی۔
ہمیں اس ٹوئٹر لینک پر فالو کیجئے. IrnaUrdu@

متعلقہ خبریں

آپ کا تبصرہ

You are replying to: .
captcha