تقریباً پوری دنیا میں ساحل سمندر کسی بھی ملک کے سب سے پرکشش مقامات تصور کیے جاتے ہیں۔ کسی ملک کے پاس جغرافیائی محل وقوع کی وجہ سے طویل ساحل سیاحت کے فروغ کے لیے ناگزیر ہوتے ہیں۔
پرشین گلف ایرانیوں کے لیے ہمیشہ عزت اور وقار سے وابستہ رہا ہے۔ ایک ایسا ساحل جو اپنی سٹریٹجک اور اقتصادی اہمیت کے ساتھ ساتھ سیاحت کی ترقی کے لحاظ سے بھی انتہائی اہمیت کا حامل ہے۔ پرشین گلف اور بحیرہ عمان کے قدرتی حسن سے مالامال ساحل 1800 کلومیٹر طویل ہیں اور انتہائی خوبصورت مناظر کی وجہ سے ہمیشہ سیاحوں کی توجہ کا مرکز رہے ہیں۔
