23 ستمبر، 2021 1:45 PM
Journalist ID: 2392
News Code: 84481501
0 Persons
سعودی عرب کیساتھ دو طرفہ مذاکرات اچھے ہیں: ایران

نیویارک، ارنا - ایرانی وزارت خارجہ کے ترجمان نے کہا ہے کہ ہم نے سعودی عرب کے ساتھ حالیہ مہینوں میں باقاعدہ رابطے کیے ہیں اور دونوں ممالک نے دو طرفہ امور پر اچھی بات چیت کی ہے۔

یہ بات "سعید خطیب زادہ" نے جمعرات کے روز ارنا نیوز ایجنسی کے ساتھ گفتگو  کرتے ہوئے کہی۔

اس موقع پر انہوں نے گزشتہ مہینوں کے دوران بغداد میں اسلامی جمہوریہ ایران اور سعودی عرب کے درمیان مذاکرات کا حوالہ دیتے ہوئے کہا کہ دو طرفہ امور پر اچھی بات چیت ہوئی ہے۔

خطیب زادہ نے کہا کہ خلیج فارس میں سیکورٹی پر بات چیت میں نمایاں پیش رفت ہوئی ہے۔

انہوں نے مزید کہا کہ مذاکرات کو کبھی نہیں روکا گیا اور ایران میں نئی ​​انتظامیہ کے اقتدار سنبھالنے کے بعد مناسب سطح پر پیغامات کا تبادلہ کیا گیا۔

خطیب زادہ نے کہا کہ اگر سعودی عرب ایران کے اس پیغام پر سنجیدگی سے توجہ دے کہ خطے کے مسائل کا حل خطے میں ہی ہے اور ایک جامع علاقائی حل ہونا چاہیے تو دونوں ممالک کے درمیان اچھے ، پائیدار تعلقات ہو سکتے ہیں۔

تفصیلات کے مطابق، سعودی شاہ سلمان بن عبدالعزیز نے بدھ کے روز اقوام متحدہ کی جنرل اسمبلی میں اپنے خطاب میں اس امید کا اظہار کیا کہ ایران کے ساتھ بات چیت اعتماد سازی کا باعث بنے گی۔

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
captcha