ایرانی وزیر خارجہ کی لبنان کی 33 روزہ جنگ کی فتح کی سالگرہ پر مبارکباد

'محمد جواد ظریف' نے لبنانی وزیر خارجہ 'جبران باسل' اور حزب اللہ کے سیکرٹری جنرل 'سید حسن نصراللہ' کو اپنے پیغامات میں 2006 میں لبنانی قوم کو ناجائز صیہونی ریاست کی فوج کے خلاف 33 روزہ جنگ لڑنے اور کامیابی کی 11ویں سالگرہ پر مبارکباد دی.

محمد جواد ظریف نے اپنے پیغام میں لبنان کے علاقے عرسال میں دہشتگردوں کے خلاف لبنانی مسلح افواج اور مزاحمتی فرنٹ کی حالیہ فتوحات کا ذکر کرتے ہوئے کہا کہ لبنان کی یہ فتح لبنان میں مختلف مذہبی اور نسلی گروہوں کی مزاحمت اور اس ملک کی سیاسی جماعتوں کے درمیان اتحاد کا نتیجہ ہے.

انہوں نے کہا کہ ناجائز صیہوںی ریاست اور اس کے اتحادیوں کے خلاف لبنانی قوم کی مزاحمت جاری رہے گی اور وہ باہمی اتحاد کے ذریعے صہیونیوں کی سازشوں کو ناکام بالخصوص اس کی حمایت کرنے والے علاقائی اور دنیا کے ممالک کے عزائم کو خاک میں ملائے گی.

٢٧٤**