قائد انقلاب اسلامی سے ایرانی ذاکرین اہل بیت(ع) کي ملاقات

حضرت فاطمہ زہرا (س) کے يوم ولادت کي مناسبت سے ايران کے معروف ذاکرين اہل بيت (ع) نے سپريم ليڈر آيت اللہ عظمي سيد علي خامنہ اي سے ملاقات کي.



اسلامي جمہوريہ ايران ميں حضرت محمد (ص) کي بيٹي حضرت فاطمہ (س) کے يوم ولادت کے موقع پر قومي خواتين اور ماؤں کا دن منايا جاتا ہے.



اس ملاقات میں رہبر انقلاب نے اہل بیت(ع) کی شان اور فضیلت کے بارے میں فرمایا کہ اہل بیت(ع) کے دلی لگاؤ سے مسلمانوں کی مشکلات آسان ہوتی ہیں اور زندگی میں عزت اور ترقی ملتی ہے.



انہوں نے حضرت فاطمہ زہرا(س) کی مبارک زندگی کے مختلف پہلوؤں پر روشنی ڈالتے ہوئے کہا کہ ان کی زندگی ایک حقیقی لیڈر ایک بے مثال بیوی اور ماں کی شکل میں دنیا کی مسلمان خواتین کے لئے ایک نمونہ اور مثال ہے.



سپریم لیڈر نے حضرت فاطمہ زہرا(س) کی معنوی شخصیت کو عام انسان کے عقل اور شعور کی سمجھ سے بالاتر قرار دیتے ہوئے فرمایا کہ ایک ایسے کٹھن اور مشکل وقت میں جب حضور(ص) کے صحابہ(رض) بھی حضرت علی(ع) سے دفاع کرنے سے قاصر رہے حضرت بی بی فاطمہ(س) مسجد تشریف لائیں اور خطبہ غرا کی صورت میں حقیقت کا مکمل دفاع کیا.



حضرت آیت اللہ سید علی خامنہ ای نے حضرت فاطمہ زہرا(س) کا ولایت سے دفاع کی اہمیت کو بیان کرتے ہوئے فرمایا کہ دخت پیامبر گرامی کا ولایت سے دفاع کرنا تاریخ کا ایک عظیم واقعہ ہے جس کے بارے میں خضرت امام خمینی(رہ) نے بھی اس حقیقت کی اہمیت پر روشنی ڈالی ہیں.



رہبر معظم نے حضرت زہرا (س) کو ایک مکمل اسلامی خاتون 'زن کامل اسلامی ' کا نام دیا اور کہا کہ ہماری مسلمان خواتین کو ان کی زندگی کے مختلف پہلوؤں سے سبق حاصل کرنا چاہیئے .



سپریم لیڈر نے بنت رسول کو ایک اچھی بیوی اور ماں قرار دیا اور خواتین کی گھروں میں ذمہ داریوں کی اہمیت کی طرف اشارہ کرتے ہوئے فرمایا کہ حضرت فاطمہ زہرا (س) نے اپنے مبارک دامن میں پاک ہستیاں کی تربیت کی ہے .



انہوں نے مغربی دنیا میں خواتین کے غلط استعمال کا حوالہ دیتے ہوئے کہا ہے کہ مغربی دنیا میں خواتین کو گھروں میں کام کرنے کے حوالے سے حقارت کی نگاہ سے دیکھا جاتا ہے جبکہ خواتین ہی گھر میں معاشرے کے لئے اچھے انسان کی تربیت کرسکتی ہیں.



رہبر انقلاب نے مغربی دنیا میں خواتین کو مردوں کے مقابلے میں برابر کے حقوق کے حوالے سے کہا کہ اسلامی نقطہ نظر میں خواتین کے برابر حقوق سے مراد ان کو اللہ کی طرف سے دی ہوئی قابلیتوں اور صلاحیتوں کو معاشرے میں صحیح استفادہ کرنا ہوتا ہے .



انہوں نے اسلام میں اہل بیت(ع) کی مدح اور ستائش کی اہمیت کو بیان فرماتے ہوئے کہا کہ ذاکرین اہل بیت(ع) کو اہل بیت کی شان میں شاعری کی صورت میں اپنی قابلیت سے صحیح معنوں میں بھرپور انداز میں استفادہ کرنا چاہیے.



271**