میجر جنرل حسین سلامی نے پیر کے روز سپاہ پاسداران انقلاب اسلامی کے دوسرے جنرل اجلاس کی اختتامی تقریب کے دوران جو کہ خلیج فارس کے پانیوں میں سمندری جہاز شہید رودکی کی لانچنگ کے موقع پر منعقد کی گئی، کہا کہ ہمیں ایرانی مجاہدین اور ہیروز پر فخر ہے اور میں یہ بات پورے یقین سے کہ سکتا ہوں کہ دنیا کی کوئی طاقت ہم پر غالب نہیں آسکتی۔
سلامی نے اس بات پر زور دیتے ہوئے کہ فلسطین ابھی زندہ ہے، کہا کہ ایران نے اپنے ساتھی نہیں کھوئے ہیں اور ہمارا عقیدہ لبنانیوں اور یمنیوں جیسا ہے، ہمارے دشمن مشترک ہیں لیکن ان میں سے ہر ایک اپنی سرزمین پر اپنے مفادات کی بنیاد پر مزاحمت کررہا ہے۔ روحانی اور سیاسی طور پر ہم مزاحمتی محاذ کی حتی الامکان حمایت کرتے ہیں لیکن ہماری طرح وہ اپنے ہتھیار خود بناتے ہیں۔
سلامی نے یاد دہانی کرائی کہ صہیونی دشمن یہ سمجھتا ہے کہ وہ غزہ میں خواتین، بچوں اور نہتے لوگوں کو قتل کرکے کامیاب ہوگیا ہے، لیکن حقیقت یہ ہے کہ صیہونی ماضی کے مقابلے میں زیادہ اضطراب کے ساتھ زندگی بسر کررہے ہیں، وہ پریشان ہیں اور انکا مستقبل تاریک ہے.