انٹرنیشنل اٹامک انرجی ایجنسی (IAEA) کے ڈائریکٹر جنرل رافائل گروسی اور ایران کے وزیر خارجہ سید عباس عراقچی نے ٹیلیفونک بات چیت کی۔
اس گفتگو میں ایران اور IAEA کے درمیان سیف گارڈ معاہدے کی صورت میں تعاون کی تازہ ترین صورتحال پر تبادلہ خیال کیا گیا۔
عراقچی نے بورڈ آف گورنرز کے بعض اراکین کے غیر تعمیری اقدامات پر کڑی تنقید کرتے ہوئے (جو رافائل گروسی کے حالیہ دورہ تہران کے دوران مسائل کے حل کی کوششوں میں ناکامی کا باعث بنے)، تاکید کرتے ہوئے کہا کہ اسلامی جمہوریہ ایران اس طرح کی کارروائیوں کا دوٹوک جواب دینے سے نہیں ہچکچائےگا۔ انہوں نے کہا کہ ہم اب بھی طے شدہ تکنیکی فریم ورک کے اندر ایجنسی کے ساتھ تعمیری تعاون کرنے کے لیے تیار ہیں۔
اس گفتگو میں گروسی نے ایران کے ساتھ متوازن بات چیت کے لیے ایجنسی کے عزم پر زور دیا اور کہا کہ وہ موجودہ مسائل کے حل کے حوالے سے اپنے فرائض اور اختیارات کے دائرہ کار میں رہتے ہوئے مناسب ماحول پیدا کرنے کے لیے دیگر فریقوں کے ساتھ مشاورت کر رہے ہیں۔