سپاہ پاسداران کیخلاف کسی بھی اقدام پر ایران کا ردعمل انتہائی سخت ہے: امیرعبداللہیان

یہ بات حسین امیرعبداللہیان نے اتوار کے روز تہران میں وزارت خارجہ میں چار پابندی والے ایرانی نمائندوں کے ساتھ ایک ملاقات کے دوران گفتگو کرتے ہوئے کہی۔
 انہوں نے کہا کہ یورپی پارلیمنٹ کی جانب سے سپاہ پاسدران کے خلاف حالیہ اقدام سے ظاہر ہوتا ہے کہ ایرانی فورس کو بلیک لسٹ کرنے پر دستخط کرنے والے صحیح طور پر ایران کے اندرونی ماحول اور یہاں تک کہ ایرانی تارکین وطن کو بھی نہیں سمجھتے اور یہ کہ اس سے ظاہر ہوتا ہے کہ جو لوگ ملک کا دفاع کر رہے ہیں وہ اپنے قول و فعل میں حق بجانب ہیں۔
امیرعبدااللہیان نے کہا کہ ایرانی وزارت خارجہ نے دو ماہ قبل یورپی یونین کو خبردار کیا تھا کہ اگر سپاہ پاسداران جو کہ اسٹیبلشمنٹ کا عسکری شعبہ ہے، یورپیوں کے فیصلوں سے متاثر ہوا تو اسلامی جمہوریہ ایران انتہائی سخت ردعمل کا اظہار کرے گا۔
انہوں نے مزید کہا کہ یورپی اپنے حالات اور کمزوریوں سے واقف ہیں۔ چنانچہ جب یورپی پارلیمنٹ نے سپاہ پاسداران کو دہشت گرد گروپ کے طور پر بلیک لسٹ کرنے کی غیر پابند قرارداد کے حق میں ووٹ دیا، یورپی یونین کی کونسل نے بہت زیادہ بحث کی اور اس نتیجے پر پہنچا کہ وہ آگ سے نہیں کھیل سکتے اس طرح، انہوں نے ایک دوسرے منظر نامے کی پیروی کی، جو کہ چار ایرانی نمائندے سمیت کچھ ایرانی افراد پر پابندیاں عائد کرنا ہے۔
ایرانی وزیر خارجہ نے کہا کہ یورپیوں نے یہ نادانستہ فیصلہ کیا، لیکن ان کے عہدیداروں کو اس اقدام کے منفی اثرات کا سامنا کرنا پڑے گا، جو یقینی طور پر یورپی حکام پر پابندیاں عائد کریں گے۔
انہوں نے اس چار نمائندوں کی تعریف کرتے ہوئے کہا کہ یورپی پارلیمنٹ کی جانب سے بلیک لسٹ کیے جانے کے واقعے کے بعد آپ کو عوام اور اسٹیبلشمنٹ کے طاقتور نمائندے تصور کیا جاتا ہے۔
ہمیں اس ٹوئٹر لینک پر فالو کیجئے @IRNA_Urdu