وزیر خارجہ سید عباس عراقچی نے اپنے ایکس پوسٹ میں لکھا ہے کہ ایران واضح اور پوری شدت کے ساتھ پہلگام میں سیاحوں پر دہشت گردانہ حملے کی مذمت کرتا ہے۔
انہوں نے لکھا ہے کہ ہماری دعائیں بے گناہ مہلوکین اور ان کے اہل خانہ کے ساتھ ہیں اور دل کی گہرائیوں سے ہندوستان کے عوام اور حکومت کو تعزیت پیش کرتے ہیں۔
واضح رہے کہ منگل کے روز دہشت گرد عناصر نے سری نگر کے 90 کلومیٹر کے فاصلے پر واقع پہلگام سیاحتی مرکز میں موجود سیاحوں کو گولیوں کا نشانہ بنایا۔ اس وحشیانہ حملے میں 26 سیاح اپنی جان سے ہاتھ دھو بیٹھے جن میں ہندوستان اور دیگر ممالک کے شہری شامل ہیں۔