وحید جلال زادہ، وزارت خارجہ کے پارلیمانی امور اور سمندرپار ایرانیوں کے ڈپٹی قونصلر نے سوشل نیٹ ورک ایکس پر لکھا کہ امریکہ کی یکطرفہ اور ظالمانہ پابندیاں اور ان غیر قانونی پابندیوں سے متعلق کوئی بھی اقدام، بشمول ایرانیوں کو یرغمال بنانا، مختلف بہانوں سے غیر قانونی اور ناجائز پابندیاں عائد کرنا بین الاقوامی قانون کے خلاف ہے اور ہم اس کی مذمت کرتے ہیں اور دنیا میں کہیں بھی موجود ایرانیوں کے حقوق کا حصول ہمارا فرض ہے۔
ایرانی کمپنی کے بانی محمد عابدینی اور امریکی سیمی کنڈکٹر مینوفیکچرنگ کمپنی کے ملازم مہدی صادقی پر امریکی برآمدی قوانین کی خلاف ورزی کا الزام عائد کیا گیا ہے۔ امریکی عدالتی حکام کا دعویٰ ہے کہ 28 جنوری کو اردن میں ہونے والے ڈرون حملے میں ایران کو بھیجا گیا سامان استعمال کیا گیا تھا جس میں 3 امریکی فوجی ہلاک اور 47 زخمی ہوئے تھے۔ سوئٹزرلینڈ اور ایران کے رہنے والے عابدینی کو امریکی حکومت کی درخواست پر اٹلی کے شہر میلان سے گرفتار کیا گیا۔ دوسرے ایرانی نژاد امریکی شہری صادقی جو میساچوسٹس میں مقیم ہیں کو بھی گرفتار کیا گیا ہے۔