لبنان میں پاور پلانٹ کی تعمیر کی تجویز ابھی بھی ایجنڈے پر ہے: ایران

یہ بات سعید خطیب زادہ نے منگل کے روز صحافیوں کے ساتھ گفتگو کرتے ہوئے کہی۔
انہوں نے لبنان کے واقعات اور ملک میں بجلی کی قلت کے مسئلے کا حوالہ دیتے ہوئے کہا کہ ایران کی طرف سے لبنان میں بجلی گھر بنانے کی تجویز ابھی تک میز پر ہے لیکن ابھی تک لبنان سے اس کا کوئی جواب نہیں آیا ہے۔
خطیب زادہ نے کہا کہ ایران اس معاملے پر لبنانی حکام کے ساتھ بات چیت جاری رکھے ہوئے ہے، حتیٰ کہ ایرانی وزیر خارجہ حسین امیر عبداللہیان بھی ذاتی طور پر اس معاملے کی نگرانی کر رہے ہیں۔
انہوں نے کہا کہ ہم لبنان کو بجلی فراہم کرنے اور اس مسئلے کو ہمیشہ کے لیے حل کرنے کے لیے اپنے نجی شعبے اور پبلک سیکٹر کو استعمال کرنے کے لیے تیار ہیں۔
انہوں نے کہا کہ اگرچہ لبنان نے ہماری پیشکشوں کا خیرمقدم کیا ہے، لیکن اس نے ابھی تک اس سلسلے میں عملی اقدامات نہیں اٹھائے ہیں۔
ہمیں اس ٹوئٹر لینک پر فالو کیجئے. IrnaUrdu@