سعودی خبر رساں ایجنسی (واس) کے مطابق سعودی وزارت خارجہ نے آج بروز بدھ کو ایک بیان میں اعلان کیا کہ کویت کے تیل اور بجلی، پانی اور قابل تجدید توانائی کے وزراء نے 24 دسمبر 2019 کو کویت میں دستخط کیے گئے مفاہمت کی یادداشت پر مبنی اور 21 مارچ 2022 کو ان کے درمیان دستخط شدہ منٹس کے دوران، انہوں نے تقسیم شدہ پانی کے علاقے میں واقع "آرش" گیس فیلڈ (الدرہ) کے آپریشن کو تیز کرنے پر اتفاق کیا۔
سعودی وزارت خارجہ نے مزید کہا کہ سعودی عرب اور کویت دونوں خطے کے قدرتی وسائل سے فائدہ اٹھانے کے حق پر زور دیتے ہیں اور 21 مارچ کے معاہدے کے منٹس میں طے پانے والی باتوں پر کام جاری رکھیں گے۔
بیان میں سعودی وزارت خارجہ نے دعویٰ کیا کہ اس سلسلے میں سعودی عرب اور کویت نے قبل ازیں اسلامی جمہوریہ ایران کو منقسم آبی علاقے کی مشرقی سرحد کی حد بندی کے لیے مذاکرات کی دعوت دی تھی لیکن ان درخواستوں کا جواب نہیں دیا گیا۔
اس وزارت نے مزید کہا کہ سعودی عرب اور کویت، مذاکراتی فریقوں میں سے ایک کے طور پر، ایک بار پھر اسلامی جمہوریہ ایران کو ان مذاکرات کی دعوت دیتے ہیں۔
قبل ازیں "احمد ناصر الاحمد الصباح" نے اپنے فرانسیسی ہم منصب "ژاں ایو لودریان" کے ساتھ ایک مشترکہ نیوز کانفرنس میں بتایا کہ الدرہ (آرش) گیس فیلڈ، اس ملک، سعودی عرب اور ایران کے درمیان ایک سہ فریقی موضوع ہے۔
واضح رہے کہ اس سے پہلے یرانی وزارت خارجہ کے ترجمان نے سعودی عرب اور کویت کے درمیان آرش گیس فیلڈ کے بارے میں اعلان کردہ نئے معاہدے کا حوالہ دیتے ہوئے کہا ہے کہ آرش/الدرہ گیس فیلڈ ایران، کویت اور سعودی عرب کے درمیان ایک مشترکہ فیلڈ ہے اور اس کا کچھ حصہ ایران اور کویت کے درمیان غیر محدود پانیوں کے اندر ہے۔
انہوں نے نے مزید کہا کہ بین الاقوامی ضابطوں اور قوانین کے مطابق اس میدان کے فروغ میں کوئی بھی اقدام تینوں ممالک کے تعاون اور درخواست سے کیا جانا ہوگا لہذا کویت اور سعودی عرب کی جانب سے تعاون کی دستاویز کی شکل میں حالیہ اقدام سابقہ مذاکرات کے خلاف اور غیر قانونی ہے اور اس اقدام سے اس میدان کی قانونی حیثیت پر اثر پڑے گا اور اسلامی جمہوریہ ایران کی جانب سے منظور شدہ نہیں ہے۔
انہوں نے بتایا کہ جمهوری اسلامی ایران نے جیسا کہ بار بار کہا ہے کہ وہ پڑوسی ممالک کویت اور سعودی عرب کے ساتھ اس مشترکہ میدان سے فائدہ اٹھانے کے طریقے کیلیے مذاکرات، براعظمی شیلف کی حدود کے تعین کے حوالے سے کویت کے ساتھ گزشتہ مذاکرات کے نتائج کے فریم ورک میں کویت کے ساتھ دو طرفہ بات چیت جاری رکھنے اور تینوں ممالک کے درمیان ٹرپل پوائنٹ کے تعین پر سہ فریقی مذاکرات شروع کرنے پر تیار ہے۔
ایرانی وزارت خارجہ کے ترجمان نے کہا کہ اسلامی جمہوریہ ایران بدستور آرش/الدرہ گیس فیلڈ سے فائدہ اٹھانے کا حق محفوظ رکھتا ہے۔
**9467
ہمیں اس ٹوئٹر لینک پر فالو کیجئے. IrnaUrdu@