حسین امیرعبداللہیان نے بریکس کے 5 رکن ممالک کے وزرائے خارجہ کے نام خط میں کہا ہے کہ فلسطین کے اصل باشندوں کی زمینوں پر قبضے، بڑے پیمانے پر قتل عام، لوگوں کے گھروں اور کھیتوں کی تباہی، طبی مراکز پر حملے، مردوں اور عورتوں اور یہاں تک کہ بچوں کی گرفتاری اور تشدد، تذلیل اور فلسطینی قوم کے وقار کی توہین قابض حکومت کی طرف سے فلسطین کے مظلوم عوام کے خلاف کیے جانے والے جرائم اور غیر قانونی اقدامات کا صرف ایک حصہ ہیں۔
مغرب کے مقابلے میں اہم اتحادوں اور تنظیموں جیسے کہ شنگھائی تعاون تنظیم، یوریشین یونین، سیکا، آسیان کے ساتھ بریکس گروپ کے کردار کی اہمیت کو بیان کرتے ہوئے، انہوں نے اپیل کی کہ یہ تنظیمیں غزہ کی سنگین صورتحال کو فوری ایجنڈے پر رکھ کر مناسب اقدامات کریں تاکہ تسلط پسندوں کے خلاف مظلوموں کو انصاف کی فراہمی یقینی بنائی جاسکے۔