کیوڈو نیوز ایجنسی نے لکھا ہے: ایرانی وزیر خارجہ امیر عبد اللہیان نے کیوڈو سے ایک گفتگو میں جاپان کی اس تجویز کی تفصیلات کا ذکر نہيں کیا تاہم یہ کہا ہے کہ رواں سال کی گرمیوں میں جاپان کے دورے میں انہيں اس تجویز کے بارے میں اطلاع دی گئی۔
انہوں نے کہا: جاپان کی جانب سے ہر اس تجویز کا خیر مقدم ہے جو ایران کے مفادات کے مطابق ہو۔
انہوں نے واضح کیا: ہم ایٹمی معاہدے کی بحالی کے لئے جاپان کے تعمیری رول کی حمایت کرتے ہيں۔
جاپان کی سرکاری نیوز ایجنسی نے ایران کے وزیر خارجہ کے حوالے سے لکھا ہے: امریکہ، برطانیہ، فرانس اور جرمنی کی جانب سے ایٹمی معاہدے کے سلسلے میں طمع پر مبنی رویہ اس سلسلے میں مذاکرات میں تاخیر کا باعث بنا ہے۔
کیوڈو کی رپورٹ کے مطابق، ایران کے وزیر خارجہ نے اسی طرح ان ممالک کی جانب سے ایران کے داخلی امور میں مداخلت کو بھی، ایٹمی مذاکرات میں تاخیر کی ایک وجہ قرار دیا۔