ارنا رپورٹ کے مطابق، اسلام آباد میں قائم ایرانی سفارتخانے کے پبلک ڈپلومیسی اور میڈیا ڈیپارٹمنٹ نے آج بروز جمعرات کو ایک بیان میں کراچی کی حالیہ دہشتگردی کاروائی میں ملوث عناصر کا ایران سے ممکنہ تعلق کے دعووں سے متعلق پاکستانی ذرائع ابلاغ کے صحافیوں کے سوالات کے جواب میں کہا کہ یہ سفارت خانہ اس قسم کے الزامات کی سختی سے تردید کرتے ہوئے اس بات پر زور دیتا ہے کہ سرکاری ذرائع کیجانب سے اسلامی جمہوریہ ایران کی حکومت کو ثبوت فراہم کیے بغیر رائے عامہ اور میڈیا میں ایسے الزامات لگانا؛ مکمل طور پر غیر پیشہ ورانہ اور ناقابل قبول ہے۔
بیان میں مزید کہا گیا ہے کہ وہ عناصر جو اس طرح سے کام کرتے ہیں وہ غلط ایڈریس دیتے ہیں اور الزام تراشی کرتے ہیں؛ بلاشبہ ایک ثالثی فریق، ایران اور پاکستان کے دوستانہ اور برادرانہ تعلقات کے درمیان خلل ڈالنے کی کوشش کر رہی ہے۔
ایرانی سفارتخانے نے کہا کہ حکام، بالخصوص پڑوسی ملک میں میڈیا والوں کو مشورہ دیا جاتا ہے کہ وہ ایران اور پاکستان کے قریبی تعلقات کے دشمنوں کے جال میں نہ پھنس جائیں۔
واضح رہے کہ پاکستان کی معیشت کے مرکز کی حیثیت سے کراچی میں ایک ماہ سے بھی کم عرصے میں تین دہشت گرد دھماکوں میں کم از کم 6 افراد جاں بحق اور درجنوں زخمی ہو گئے ہیں۔
**9467
ہمیں اس ٹوئٹر لینک پر فالو کیجئے. IrnaUrdu@