حماس نے اس بات پر زور دیا کہ صہیونی دشمن جنگ بندی معاہدے کی خلاف ورزی اور بے دفاع شہریوں کو نشانہ بنا رہی ہے۔
بیان میں کہا گیا ہے کہ قابض حکومت کے جرائم اور کراسنگ کی بندش نیتن یاہو کی دہشت گرد کابینہ کے جنگ بندی معاہدے سے بچنے کے لیے اصرار کی عکاس ہے۔ غاصب حکومت کو غزہ پٹی میں اپنے قیدیوں اور بین الاقوامی اور انسانی قوانین کی کوئی پرواہ نہیں ہے۔
حماس نے کہا کہ ہم جنگ بندی معاہدے کی ضمانت دینے والے ثالثوں سے مطالبہ کرتے ہیں کہ وہ قابض حکومت کے جرائم اور اس کی مسلسل جارحیتوں کو روکنے کے لیے فوری مداخلت کریں، اور ہم عالمی برادری سے اپیل کرتے ہیں کہ وہ غزہ پٹی کا محاصرہ ختم کرنے کے لیے ذمہ دارانہ اقدامات کریں اور صیہونی حکومت کی طرف سے بھوک اور قحط کے جرائم کو روکیں۔