یمن کی مسلح افواج نے اعلان کیا ہے کہ ان دو کارروائیوں کے تحت مقبوضہ یافا (تل ابیب) اور عسقلان صنعتی مرکز پر ڈرون طیاروں سے حملہ کیا گیا۔
یمن کی فوج نے ان دو حملوں کو مکمل طور پر کامیاب قرار دیا جو فلسطین کے مظلوم عوام اور مجاہدوں کی حمایت اور غزہ میں قتل عام کے جواب میں کیا گیا ہے۔
یمن کی مسلح افواج نے زور دیکر کہا ہے کہ اللہ تعالی کی مدد سے جنگ بندی کے نفاذ اور غزہ کے محاصرے کے خاتمے تک فلسطینی عوام کی حمایت جاری رہے گی۔