ارنا کی رپورٹ کے مطابق جمعرات کو آذربائیجان کے شہر باکو میں شوٹنگ کی انٹرنیشنل چیمپین شپ کا انعقاد ہوا۔ 10 میٹر کی رینج میں ایرانی شوٹر ٹیم کی گل نوش صبغت الٰہی، ھانی رستمیان اور مینا قربانی نے تیسری پوزیشن حاصل کی۔ جبکہ چین اور ہنگری کی ٹیمیں پہلے اور دوسرے نمبر پر رہیں۔
ایران کے مین ائیرپسٹل ٹیم کے امیر جوہری خو، وحید گلخندان اور سجاد پورحسینی 11ویں نمبر پر رہے۔
ائیرپسٹل انٹرنیشنل چیمپین شپ میں 101 ممالک کے نمائندے شریک ہیں۔ اولمپک کوالیفکیشن کے یہ مقابلے 18 اگست سے 25 اگست تک باکو میں منعقد ہورہے ہیں۔