یہ سیمینار پیشاور میں ایران کے خانہ فرہنگ کی طرف سے منعقد کیا گيا تھا اور اس کا مقصد برادر و دوست ملک ایران و پاکستان کی پرانی دوستی ، ہر حال میں ایک دوسرے کا ساتھ دینے کی تاریخ اور ثقافتی ، تاریخی ، مذہبی اور جغرافیائی قربت کو واضح کرنا تھا۔
اس سیمینار میں پیشاور کی مختلف یونیورسٹیوں کے اساتذہ و طلبہ ، فارسی اساتذہ، ثقافتی میدان میں سرگرم کارکن اور خیبر پختونخوا کی کئی مذہبی شخصیات نے حصہ لیا۔
پیشار میں ایرانی کلچر ہاوس کے سربراہ اصغر خسروآبادی نے ایک تقریر میں، اس پروگرام کے مشترکہ انعقاد پر مبارکباد پیش کی اور پاکستان کی آزادی کی سالگرہ کی مناسبت سے پروگرام میں شریک طلبہ کو تحفہ دیتے ہوئے مختلف شعبوں میں ایران کی بہترین یونیورسٹیوں کا تعارف کرایا۔
انہوں نے کہا: ایران کی تمام یونیورسٹیوں میں دوست و برادر ملک پاکستان کے طلبہ کا استقبال کیا جاتا ہے اور آپ اعلی تعلیم کے لئے بعض مواقع پر ایرانی یونیورسٹیوں میں اسکالرشپ بھی حاصل کر سکتے ہيں ۔