فلسطینی 'شہاب' نیوز کے مطابق غزہ کی پٹی سے صہیونی بستیوں کی جانب متعدد راکٹ داغے گئے۔
اس سلسلے میں صیہونی فوج کے ترجمان نے اعلان کیا ہے کہ غزہ کی پٹی سے راکٹ حملوں کے بعد سدیروت اور عسقلان میں میزائل حملوں کا وارننگ سائرن بجا دیا گیا ہے۔
صہیونی فوج نے اعلان کیا ہے کہ صہیونی بستیوں میں آئرن ڈوم اینٹی میزائل سسٹم کو فعال کردیا گیا ہے۔
صیہونی حکومت کے چینل 14 نے دعویٰ کیا ہے کہ غزہ سے عسقلان کے علاقے میں تقریباً 6 راکٹ فائر کیے گئے۔
اسرائیلی فوج نے گزشتہ روز مغربی کنارے کے شہر نابلس چند فلسطینی شہری کی گرفتاری کے بہانے فلسطینیوں سے جھڑپیں کیں جس کے نتیجے میں 11 فلسطینی شہید اور 102 زخمی ہوگئے۔
اس واقعے کے بعد ایران، قطر، عمان، کویت، سعودی عرب، اردن اور متحدہ عرب امارات نے بھی نابلس پر صیہونی حملے کی مذمت کی ہے۔