ارنا کے مطابق یمن کی مسلح افوج کے ترجمان بریگیڈیئر یجی سریع نے آج جمعےکی شام دارالحکومت صنعا کے السبعین اسکوائر پر یمنی عوام کے ملین مارچ سے خطاب میں بتایا کہ یمنی فوج نے آج ایک ایک موثر فوجی آپریشن میں، مقبوضہ حیفا میں صیہونی دشمن کے ایک اہم مرکز کو سپر سونک میزائل سے نشانہ بنایا ہے۔
بریگیڈیئر یحیی سریع نے بتایا کہ گزشتہ چند گھنٹے کے اندر صیہونی مراکزپر یمن کا یہ دوسرا حملہ تھا ۔
انھوں نے بتایا کہ یہ سوپر سونک میزائل اپنے ہدف کو نشانہ بنانے میں کامیاب رہا اور اس کے نتیجے میں دسیوں لاکھ صیہونی آبادکار پناہ گاہوں کی طرف بھاگنے پر مجبور ہوگئے۔
یمن کی مسلح افواج کے ترجمان نے اپنے خطاب میں سبھی مسلم اور عرب اقوام اور ممالک سے اپیل کی کہ اپنے انسانی اور اخلاقی فرائض پر عمل کریں اور غزہ کا محاصڑہ ختم نیز مظلوم فلسطینی عوام کی نسل کشی بند کرانے کے لئے فوری اقدام کریں۔
انھوں نے کہا کہ یمنی کی مسلح افواج غزہ کے عوام کے دفاع میں اپنی کارروائياں اور بحیرہ احمر نیز بحیرہ عرب میں صیہونی دشمن کا محاصرہ جاری رکھیں گی۔