ارنا نے فلسطین کی شہاب نیوز ایجنسی کے حوالے سے رپورٹ دی ہے کہ نورشمس کیمپ کی کمیٹی کے سربراہ نے بتایا ہے کہ غاصب صیہونی حکومت کے فوجیوں نے اس کیمپ پر اپنے حملوں ميں 211 رہائشی عمارتیں نذرآتش اور منہدم کردیں۔
انھوں نے بتایا کہ غاصب صیہونی فوجیوں نے نورشمس کیمپ کے 13 ہزار فلسطینیوں کو بے گھر کردیا ہے۔
نورشمس کیمپ کی سروس کمیٹی کے سربراہ نے بتایا ہے کہ اس کیمپ کے ساکنین، اپنے قرابت داروں کے پاس یا دیگر کیمپوں اور پناہ گاہوں میں بہت دشوار حالات میں زندگی گزار رہے ہیں۔
انھوں نے کہا کہ غاصب صیہونی فوجی اس کیمپ کے فلسطینی مہاجرین کا صفایا کردینا چاہتے ہیں۔
اس دوران فلسطینی ابلاغیاتی ذرائع نے رپورٹ دی ہے کہ نورشمس کیمپ پر حملے شروع ہونے کے بعد سے ہی صیہونی حکومت کے بلڈوزر لوگوں کے گھر منہدم کررہے ہیں جس کے نتیجے میں بہت سے فلسطینی بے گھر ہوچکے ہیں۔