ارنا کے مطابق یمن کی مسلح افواج نے بتایا ہے کہ اس کے میزائل یونٹ نے غاصب صیہونی حکومت کی نواتیم ایئر بیس پر فلسطین 2 سپر سانک میزائل سے حملہ کیا ہے۔
یمن کی مسلح افواج نے بتایا ہے کہ یہ میزائل ٹھیک نشانے پر جاکر لگا ہے۔
یمن کی مسلح افواج کے ترجمان جنرل یحیی سریع نے یہ بھی بتایا ہے کہ یمنی فوج نے جمعے کی صبح صوبہ الجوف میں امریکا کا ایم کیو نائن نوعیت کا ایک ڈرون مار گرایا ہے۔
جنرل یحیی سریع نے بتایا کہ فلسطینی مجاہدین کے آپریشن طوفان الاقصی کی حمایت میں جنگ " فتح موعود جہاد مقدس" میں مارگرائے جانے والے امریکی ڈرون طیاروں کی تعداد 12 ہوگئی ہے۔