بریگیڈیئر جنرل محمد باقری نے حزب اللہ کے نئے سربراہ شیح نعیم قاسم کے نام اپنے پیغام میں لکھا ہے کہ ایسے حالات میں حزب اللہ لبنان کے سربراہ کے طور پر آپ کے انتخاب سے واضح ہوجاتا ہے کہ حزب اللہ لبنان اور استقامتی محاذ خونخوار صیہونیوں پر حتمی غلبہ اور بحرانوں سے نکلنے کے لیے کس حد تک مستحکم، تیار اور باصلاحیت ہے۔
انہوں نے لکھا ہے کہ امت اسلامیہ اور مسجد الاقصی کی آزادی کے راہ کے مجاہدوں کو یقین ہے کہ شہید استقامت سید حسن نصراللہ کے صالح اور دلیر جانشین کی قیادت میں، حزب اللہ مستحکم انداز میں آگے بڑھتا رہے گا اور بدستور لبنان کے لیے عزت، عظمت اور افتخار کا باعث بنا رہے گا۔
چیف آف اسٹاف نے لکھا ہے کہ اللہ تعالی کی مدد سے آپ کا انتخاب صیہونیوں کی جعلی اور مجرم حکومت کی تباہی کا راستہ ہموار اور حزب اللہ کے مجاہدوں کے عزم و ارادے کو اور بھی مستحکم بنا دے گا۔