ارنا نے پاکستانی ذرائع ابلاغ عامہ کے حوالے سے رپورٹ دی ہے کہ وزیر دفاع خواجہ آصف نے پیر کو اسلام آباد میں قومی اسمبلی کے اجلاس کے بعد صحافیوں سے گفتگو میں ایران سے گیس کی خریداری کی امریکا کی جانب سے مخالفت کو مسترد کردیا۔
انھوں نے کہا کہ امریکا ایران سے پاکستان کے لئے گیس کی سپلائی کے پروجکٹ کی مخالفت کرتا ہے تو اس کا متبادل بھی ہمیں بتائے۔
خواجہ آصف نے کہا کہ پاکستان عالمی منڈی سے مہنگی گیس خریدنے پر مجبور ہے، واشنگٹن کو ہماری معاشی مشکلات کو سمجھنا چاہئے۔
انھوں نے کہا کہ ہمارا پڑوسی ملک ایران ہمیں آسانی کے ساتھ سستی توانائی فراہم کرسکتا ہے اور اس سہولت سے فائدہ اٹھانا پاکستان کا حق ہے۔
پاکستان کے وزیر دفاع نے اففغانستان کی موجودہ انتظامیہ کے ساتھ اپنے ملک کے روابط کے بارے میں کہا کہ اسلام آباد کو افغانستان سے ملحقہ اپنے سرحدی علاقوں میں دہشت گردی بڑھنے پر تشویش ہے۔
خواجہ آصف نے کہا کہ افغان حکومت ہر روز ایک نیا رنگ بدل رہی ہے اور اس کے تعلق سے ہمارے آپشنز محدود ہورہے ہیں۔
پاکستان کے وزیر دفاع خواجہ آصف نے افغانستان کی طالبان حکومت سے کہا کہ جب تک تحریک طالبان پاکستان کے دہشت گردوں کی پناہ گاہیں افغانستان میں ختم نہیں کی جاتیں اور کابل کا رویہ تبدیل نہیں ہوتا، اس وقت تک کشیدگی ختم نہیں ہوسکتی۔