فلسطین کی سما نیوز ایجنسی کے مطابق فلسطینی انتظامیہ کے وزیر اعظم محمد اشتیہ آج پیر کے روز اپنی کابینہ کا استعفی فلسطین انتظامیہ کے سربراہ محمود عباس کو پیش کریں گے۔
رپورٹ کے مطابق فلسطینی انتظامیہ کی موجودہ حکومت، عبوری حکومت کے طور پر اپنا کام جاری رکھے گی۔
یہ ایسے حالات میں ہے کہ جب حماس کے ایک ذریعے نے پہلے ہی العربیہ ٹی وی چینل کو بتایا تھا کہ حماس محمود عباس کی جانب سے فلسطینی انتظامیہ کی حکومت میں تبدیلیوں کو اہمیت نہیں دیتی۔ حماس تمام تنظیموں کی شمولیت کے ساتھ ایک قومی وفاق پر مبنی حکومت کی خواہاں ہے۔
انہوں نے بتایا کہ حماس کا وفد ماسکو میں ایک معینہ مدت کے لئے معنیہ ذمہ داریوں کے ساتھ ایک قومی حکومت کی تشکیل پر تبادلہ خیال کرے گا۔