ارنا کے رپورٹر کے مطابق، امل سے تعلق رکھنے والے آریوبرزان یوسف زادہ نے 7 سال 10 ماہ کی عمر میں اپنے والد، والدہ اور 10 سالہ کزن دینا غلامی کے ساتھ دماوند کی 5,671 میٹراونچی چوٹی پر پہنچنے میں کامیابی حاصل کی ۔
آریوبرزان یوسف زادہ جو تقریباً 2 سال سے اپنے پیشہ ور کوہ پیما والدین کے ساتھ ، 1000 ۔ 4000 میٹر تک کی کوہ پیمائی کرکے اپنے آپ کو ذہنی اور جسمانی طور پر تیار کر رہے تھے، نے بتایا کہ ایران کی بلند ترین چوٹی کو فتح کرنا کئی سالوں کی محنت کا نتیجہ ہے۔
آریوبرزان یوسف زادہ نے کوہ پیمائی کو برداشت اور ہمت والے کھیلوں میں سے ایک بتایا۔
یہ ننھا مگر باہمت کوہ پیما، ایورسٹ اور دنیا کی بلند ترین چوٹیوں کو سر کرنے کا خواب دیکھ رہا ہے اور اس مقصد کو حاصل کرنے کے منصوبے بنارہا ہے۔